کراچی میں آئندہ دنوں میں موسلا دھار بارش اور ژالہ باری کی پیش گوئی

کراچی میں آئندہ 24 گھنٹوں کے دوران موسلا دھار بارش متوقع ہے، جبکہ شہر کے بعض علاقوں میں ژالہ باری کا امکان بھی ظاہر کیا گیا ہے۔

محکمہ موسمیات کے مطابق شہر کا زیادہ سے زیادہ درجہ حرارت 31 سے 33 ڈگری سینٹی گریڈ تک رہنے کا امکان ہے، جس سے شہری موسم کے شدید اثرات کے لیے تیار رہیں۔

ہوا میں نمی کا تناسب 88 فیصد ریکارڈ کیا گیا ہے، اور ہوائیں تقریباً 8 کلومیٹر فی گھنٹہ کی رفتار سے چل رہی ہیں۔

محکمہ موسمیات نے آگاہ کیا ہے کہ 25 مارچ سے ملک میں مغربی ہواؤں کا سلسلہ اثر انداز ہوگا، جس کے نتیجے میں کراچی میں کل شام سے بارش شروع ہونے کا امکان ہے۔

2025 کی رپورٹ: پاکستان دنیا کا سب سے آلودہ ملک قرار

رپورٹ کے مطابق کراچی میں 25 اور 26 مارچ کو بارش کے ساتھ کہیں کہیں تیز اور موسلا دھار بارش بھی متوقع ہے، جبکہ بعض علاقوں میں ژالہ باری کا بھی امکان ہے۔

مزید برآں، 28 اور 29 مارچ کو بھی شہر میں بارش کے امکانات برقرار رہیں گے، جس کے پیش نظر شہریوں کو حفاظتی اقدامات کرنے کی ہدایت کی گئی ہے۔

محکمہ موسمیات نے شہریوں کو مشورہ دیا ہے کہ وہ پانی جمع ہونے والے علاقوں سے گریز کریں اور موسم کی شدت کو مدنظر رکھتے ہوئے اپنی نقل و حرکت محدود کریں۔