اداکارہ کبریٰ خان نےفروری میں شادی کرنے کی تصدیق کر دی

پاکستان کی مشہور اداکارہ کبریٰ خان نے فروری میں شادی کرنے کی تصدیق کر کے مداحوں کو حیران کر دیا۔
ایک تقریب کے دوران اداکارہ سے پوچھا گیا کہ کیا وہ شادی کرنے والی ہیں؟ اس سوال کے جواب میں انہوں نے کہا کہ میں فروری میں شادی کر رہی ہوں۔ کبریٰ کے جواب کے بعد سائل نے کہا: ان شاء اللہ۔
خیال رہے کہ کبریٰ اور اداکار گوہر رشید کی شادی کی افواہیں کچھ عرصے سے سوشل میڈیا پر گردش کر رہی ہیں۔ تاہم دونوں فنکاروں نے ان افواہوں کی تصدیق نہیں کی اور نہ ہی اس کی سچائی کے حوالے سے کوئی ردعمل ظاہر کیا۔
علاوہ ازیں چند روز قبل گوہر نے اپنے انسٹاگرام پر ایک ویڈیو بھی پوسٹ کی تھی جس میں شوبز کی کئی معروف شخصیات موجود تھیں۔
اداکار نے پوسٹ میں میرے یار کی شادی کا ہیش ٹیگ استعمال کیا تھا۔ ویڈیو نے قیاس آرائیوں کو جنم دیا ۔
کبریٰ اور گوہر اس سے قبل ایک ساتھ کام کر چکے ہیں۔ ان کے ڈرامے جنت سے آگے کو ان کے بہت سے مداحوں نے سراہا تھا۔
ڈراموں کے علاوہ انہوں نے جوانی پھر نہیں آنی 2 اور پرواز ہے جنون نامی بڑی پاکستانی فلموں میں بھی کام کیا تھا۔