محسن نقوی کا قذافی اسٹیڈیم کے مزدوروں کیساتھ لنچ، شاباش بھی دی

لاہور : قذافی اسٹیڈیم کی ریکارڈ مدت میں تکمیل پر چیئرمین پی سی بی محسن نقوی کی جانب سے 1500 سے زائد ورکرز کے اعزاز میں خصوصی ظہرانے کا اہتمام کیا گیا۔

چئیرمین پی سی بی نے مزدوروں کے ساتھ ان کی نشتوں پر جا کر ملاقات کی اور لنچ کیا۔ مزدوروں نے محسن نقوی کے ساتھ سلفیاں اور تصویریں بنوائیں۔ اس موقع پر انہوں نے دن رات محنت کر کے سٹیڈیم مکمل کرنے پر ورکرز کا شکریہ ادا کیا اور شاباش دی۔

چئیرمین پی سی بی نے مزدوروں کو کل پاکستان اور نیوزی لینڈ کے درمیان میچ دیکھنے کی دعوت دیتے ہوئے کہا کہ آپ قوم کے ہیرو ہیں۔ سب مبارکباد کے مستحق ہیں۔

محسن نقوی صاحب آپ نے کمال کر دیا۔ مزدوروں کی چئیرمین پی سی بی سے گفتگو، کہا محسن صاحب آپ کی محنت رنگ لائی ہے۔ ہم خود آپ کو اسٹیڈیم میں صبح شام دیکھتے ہیں۔

جس کے جواب میں چئیرمین پی سی بی نے کہا کہ قذافی اسٹیڈیم آپ کا سٹیڈیم ہے۔ قذافی اسٹیڈیم کو ریکارڈ مدت میں مکمل کرنے میں آپ کی دن رات کی محنت شامل ہے۔

مزدوروں نے مٹن قورمہ، چکن روسٹ، بیف پلاو اور گرما گرم نان پر مشتمل لنچ کیا۔ اس کے علاوہ زردہ، رائتہ، فریش سلاد، منرل واٹر، کولڈ ڈرنکس اور کشمیری چائے سے مزدوروں کی تواضع کی گئی۔

ایڈوائزر عامر میر، چیف آپریٹنگ آفیسر سمیر احمد، چیف ایگزیکٹو آفیسر پی ایس ایل سلمان نصیر، پاکستان ٹیم کے کپتان محمد رضوان، چیف فنانشل آفیسر جاوید مرتضی، ایف ڈبلیو او کے پراجیکٹ ڈائریکٹر، نیسپاک پی سی بی کے اعلی حکام بھی اس موقع پر موجود تھے۔