عمران خان کو 9 مئی سمیت 5 مقدمات میں پولیس کو گرفتاری سے روک دیا

سپریم کورٹ نے 9 مئی کے واقعات سے متعلق 8 مقدمات میں بانی چیئرمین پی ٹی آئی عمران خان کی درخواستِ ضمانت منظور کرتے ہوئے ان کی رہائی کا حکم دے دیا۔

چیف جسٹس آف پاکستان جسٹس یحییٰ آفریدی کی سربراہی میں تین رکنی بینچ نے کیس کی سماعت کی۔ بینچ میں جسٹس حسن اظہر رضوی اور جسٹس اطہر من اللہ شامل تھے۔ بینچ میں تبدیلی کے بعد جسٹس میاں گل حسن اورنگزیب کی جگہ جسٹس حسن اظہر کو شامل کیا گیا تھا۔

دورانِ سماعت چیف جسٹس نے پراسیکیوشن اور عمران خان کے وکیل سے دو اہم سوالات کیے

کیا ضمانت کیس میں حتمی فیصلہ دیا جا سکتا ہے؟

کیا سپریم کورٹ کے سابقہ فیصلوں کا تسلسل اس کیس پر لاگو ہوگا؟

چیف جسٹس نے پراسیکیوٹر کو ہدایت کی کہ وہ ایسے عدالتی فیصلوں کا حوالہ دیں جن میں سازش کے الزامات کے باوجود ضمانت مسترد ہوئی ہو۔ عدالت نے واضح کیا کہ ضمانت کے مرحلے پر میرٹس پر بات نہیں کی جائے گی اور ٹرائل کورٹ ہی ثبوتوں کی بنیاد پر فیصلہ کرے گی۔ط