وزیر اعظم شہباز شریف کا سعودی ولی عہد کے شاندار استقبال پر اظہار تشکر

وزیر اعظم شہباز شریف نے سعودی ولی عہد محمد بن سلمان کی قیادت اور وژن کو خراجِ تحسین پیش کرتے ہوئے کہا ہے کہ انہیں دیا گیا شاندار استقبال ان کے دل کو چھو گیا۔

سماجی رابطے کی ویب سائٹ ایکس پر جاری اپنے پیغام میں وزیر اعظم نے کہا کہ سعودی ولی عہد کی جانب سے پرتپاک استقبال پاکستان اور سعودی عرب کے درمیان دیرینہ تعلقات اور باہمی احترام کی جھلک ہے۔

انہوں نے بتایا کہ محمد بن سلمان کے ساتھ ان کی ملاقات نہایت خوشگوار اور بامقصد رہی، جس میں علاقائی امور اور دوطرفہ تعاون پر تفصیلی بات چیت ہوئی۔

Deeply touched by the heart warming welcome, accorded to me by my dear brother HRH Prince Mohammed bin Salman, Crown Prince and Prime Minister of Saudi Arabia, on my official visit to Riyadh.

From the unprecedented escort provided to my aircraft by the Royal Saudi airforce jets… pic.twitter.com/RZvkOSQbF1

— Shehbaz Sharif (@CMShehbaz) September 18, 2025

وزیر اعظم شہباز شریف نے سعودی ولی عہد کی جانب سے سرمایہ کاری، تجارت اور کاروباری روابط کو فروغ دینے میں خصوصی دلچسپی لینے کو بھی سراہا اور کہا کہ وہ مسلسل پاکستان کے ساتھ تعلقات کو مضبوط بنانے کے خواہاں ہیں۔

اپنے پیغام کے آخر میں انہوں نے دعا کی کہ پاکستان اور سعودی عرب کی دوستی ہمیشہ قائم رہے اور مزید ترقی کی نئی بلندیوں کو چھوئے۔