ٹرمپ نے بھارت کی معیشت کو مردہ قرار دے دیا

امریکی صدر ڈونلڈ ٹرمپ نے بھارت اور روس کو سخت تنقید کا نشانہ بنایا ہے۔ انہوں نے دونوں ممالک کی معیشتوں کو "مردہ” قرار دیا۔ ٹرمپ نے کہا کہ انہیں پرواہ نہیں کہ بھارت روس کے ساتھ کیا کرتا ہے، وہ اپنی مردہ معیشتوں سمیت ڈوب جائیں۔

ٹرمپ نے کہا کہ بھارت کے ساتھ امریکا کی تجارت بہت کم ہے، کیونکہ بھارت دنیا میں سب سے زیادہ ٹیرف وصول کرتا ہے۔ انہوں نے واضح کیا کہ روس کے ساتھ بھی امریکا کی تقریباً کوئی تجارت نہیں ہوتی، اور ایسا ہی رہنا بہتر ہے۔

ٹرمپ نے سابق روسی صدر دمتری میدودوف کو بھی خبردار کیا۔ انہوں نے کہا کہ میدودوف کو زبان قابو میں رکھنی چاہیے، کیونکہ وہ خطرناک حدود میں داخل ہو رہے ہیں۔

اس سے پہلے ٹرمپ نے کینیڈا کی جانب سے فلسطین کو تسلیم کرنے کے فیصلے پر بھی ردعمل دیا تھا۔ انہوں نے کہا تھا کہ اب کینیڈا کے ساتھ تجارتی معاہدہ کرنا مشکل ہو جائے گا۔

یہ بھی پڑھیں: ٹرمپ کا پاکستان کے ساتھ تجارتی معاہدہ