امریکی وزیر خارجہ اور عالمی رہنماؤں کی پاکستان کو یومِ آزادی پر مبارکباد

واشنگٹن: پاکستان کے 78ویں یومِ آزادی پر امریکی وزیر خارجہ مارکو روبیو نے پاکستانی عوام کو مبارکباد پیش کی ہے اور انسدادِ دہشت گردی، تجارت اور اقتصادی تعاون کے شعبوں میں پاکستان کے کردار کو سراہا ہے۔

اپنے پیغام میں مارکو روبیو نے کہا کہ امریکا پاکستان کے ساتھ اہم معدنیات، توانائی اور کاروباری شراکت داری جیسے نئے شعبوں میں تعاون بڑھانے کا خواہاں ہے تاکہ دونوں ممالک کے عوام کے لیے خوشحال مستقبل کو فروغ دیا جا سکے۔

یومِ آزادی کے موقع پر امریکی کانگریس کے ارکان نے بھی خیرسگالی کے پیغامات دیے۔ رکن کانگریس جوڈی چو نے کہا کہ امریکا میں پاکستانی کمیونٹی باعثِ فخر ہے، جب کہ زولوف گرن نے پاکستانی امریکیوں کو سیلیکون ویلی کی ترقی میں اہم شراکت دار قرار دیا۔

ادھر یورپی یونین کی سفیر برائے پاکستان رینا کیونکا نے بھی پاکستان کو یومِ آزادی پر مبارکباد دی۔