اتراکھنڈ کے اوتارکاشی میں ہیلی کاپٹر حادثہ، 5 افراد جاں بحق

بھارت کی ریاست اتراکھنڈ کے علاقے اوتارکاشی کے قریب گنگنانی میں ایک افسوسناک ہیلی کاپٹر حادثہ پیش آیا ہے۔ بھارتی حکام کے مطابق اس حادثے میں 5 افراد جاں بحق جبکہ 2 دیگر زخمی ہو گئے۔

ریسکیو ٹیمیں فوری طور پر جائے حادثہ پر پہنچ گئیں اور امدادی کارروائیاں کیں۔ حکام نے حادثے کی وجوہات جاننے کے لیے تحقیقات کا آغاز کر دیا ہے۔ مزید تفصیلات تحقیقات کے بعد جاری کی جائیں گی۔

حادثے کی جگہ کو سخت نگرانی میں رکھا گیا ہے اور ایمرجنسی سروسز تاحال موقع پر موجود ہیں۔