اقوام متحدہ کا پاکستان اور بھارت کو تحمل کا مشورہ، ثالثی کی پیشکش

اقوام متحدہ کے سیکرٹری جنرل انتونیو گوتریس نے پاکستان اور بھارت کے درمیان بڑھتی ہوئی کشیدگی پر تشویش کا اظہار کرتے ہوئے دونوں ممالک کو تحمل اور ذمہ داری کا مظاہرہ کرنے کا مشورہ دیا ہے۔

ایک پریس کانفرنس میں گفتگو کرتے ہوئے انہوں نے کہا کہ پاک بھارت کشیدگی خطرناک حد تک بڑھ چکی ہے، جنگ کسی مسئلے کا حل نہیں بلکہ حالات مزید بگاڑ سکتی ہے۔

انہوں نے کہا کہ اقوام متحدہ دونوں ممالک کے درمیان امن قائم کرنے کیلئے ثالثی کی پیشکش کرتا ہے اور سفارتی کوششوں کی بھرپور حمایت اور معاونت کیلئے تیار ہے۔

گوتریس نے زور دیا کہ پاکستان اور بھارت کو خطے کے استحکام اور امن کیلئے مثبت اقدامات اٹھانے چاہییں تاکہ تصادم کے خطرے کو ٹالا جا سکے۔