بھارتی ریاست گجرات کی پٹاخہ فیکٹری میں دھماکے سے 18 افراد ہلاک

بھارتی ریاست گجرات کے ضلع بناس کانٹھا کی پٹاخہ فیکٹری میں دھماکے کے نتیجے میں 18 افراد ہلاک 5 زخمی ہوگئے۔

بھارتی میڈیا کے مطابق، دھماکے کے بعد فیکٹری میں آگ بھڑک اُٹھی، اور اس وقت فیکٹری میں تقریباً 30 مزدور کام کر رہے تھے۔ حادثے کے نتیجے میں زیادہ تر ہلاکتیں دھماکے اور اس کے نتیجے میں لگنے والی آگ کے سبب ہوئیں۔

دھماکے کے بعد فیکٹری کے مالک کے فرار ہونے کی اطلاعات ہیں، اور پولیس نے واقعے کی تحقیقات کا آغاز کر دیا ہے تاکہ اس کے اسباب کا پتہ چلایا جا سکے۔