رمضان المبارک سے قبل مہنگائی کی شرح میں حیران کن اضافہ

رمضان المبارک سے قبل مہنگائی کی شرح بڑھنے لگی، ایک ہفتے میں مہنگائی کا پارہ صفر اعشاریہ دو سات فیصد چڑھ گیا۔

سالانہ بنیادوں پر مہنگائی بڑھنے کی مجموعی شرح 1.21 فیصد ریکارڈ۔ گزشتہ ہفتے 11 اشیاء مہنگی،16 کی قیمتوں میں کمی ریکارڈ۔

ادارہ شماریات کی ہفتہ وار بنیادوں پر مہنگائی سے متعلق رپورٹ جاری۔ ایک ہفتے میں انڈے کی فی درجن 20 روپے تک مہنگے ہو گئے۔ گزشتہ ہفتے زندہ مرغی کی قیمت میں بھی اضافہ ہوا۔ ایک ہفتے میں لہسن کی فی کلو قیمت میں 8 روپے تک کا اضافہ ریکارڈ ہوا۔ چینی کی فی کلو قیمت میں مزید ایک روپے تک کا اضافہ ریکارڈ ہوا۔

ادارہ شماریات کے مطابق گزشتہ ہفتے ٹماٹر فی کلو 1 روپے 58 پیسے سستے ہوئے۔ ایک ہفتے میں دال چنا کی فی کلو قیمت میں 4 روپے تک کی کمی ریکارڈ ہوئی۔ گزشتہ ہفتے کے دوران پیاز فی کلو ایک روپے تک سستی ہوئی، ایک ہفتے میں دال ماش کی فی کلو قیمت میں 3 روپے تک کی کمی ہوئی۔

اس کے علاوہ ایک ہفتے میں ایل پی جی کا گھریلو سلنڈر 18 روپے تک سستا ہوا۔ بریڈ، خشک دودھ سمیت 24 اشیاء کی قیمتوں میں استحکام بھی رہا۔