برائن لارا کا 21 سال پرانا ریکارڈ ٹوٹنے سے بچ گیا

ویسٹ انڈیز کے لیجنڈری بلے باز برائن لارا کا 21 سال پرانا ناقابل شکست 400 رنز کا تاریخی ٹیسٹ ریکارڈ ٹوٹنے سے بال بال بچ گیا۔

جنوبی افریقہ اور زمبابوے کے درمیان دوسرے ٹیسٹ میں جنوبی افریقہ نے 5 وکٹ پر 626 رنز بنا کر اننگز ڈکلیئر کر دی۔ اس وقت کپتان ویان ملڈر 367 رنز پر ناٹ آؤٹ تھے اور صرف 33 رنز کی دوری پر لارا کا ریکارڈ توڑنے کے قریب تھے۔

شائقین کو امید تھی کہ ٹیسٹ کرکٹ میں ایک نئی تاریخ رقم ہونے والی ہے، لیکن کھانے کے وقفے کے بعد اننگز ختم کرنے کے فیصلے نے سب کو حیران کر دیا۔

لارا کا یہ ریکارڈ 2004 میں انگلینڈ کے خلاف قائم ہوا تھا، جب انہوں نے 400 رنز ناٹ آؤٹ کی ناقابلِ فراموش اننگز کھیلی تھی۔