ملک بھر میں سونے کی قیمت نئی بلند ترین سطح پر پہنچ گئی

کراچی: ملک بھر میں سونا ایک بار پھر تاریخ کی بلند ترین سطح پر جا پہنچا ہے۔

آل پاکستان جیمز اینڈ جیولرز ایسوسی ایشن کے مطابق جمعرات کو سونے کی فی تولہ قیمت میں 4 ہزار 700 روپے کا اضافہ ریکارڈ کیا گیا، جس کے بعد فی تولہ قیمت 3 لاکھ 91 ہزار روپے ہو گئی۔

اسی طرح 10 گرام سونے کی قیمت میں بھی 4 ہزار 30 روپے کا اضافہ ہوا ہے، جس کے بعد نئی قیمت 3 لاکھ 35 ہزار 219 روپے مقرر کی گئی ہے۔

بین الاقوامی مارکیٹ میں بھی سونا مہنگا ہوا ہے اور اس کی قیمت 49 ڈالر بڑھ کر 3692 ڈالر فی اونس تک پہنچ گئی ہے۔