سری لنکا کا امریکی جنگی طیاروں کو اڈہ دینے سے انکار

اہم عالمی پیش رفت میں سری لنکا نے امریکی جنگی طیاروں کو اپنے ملک میں اڈہ دینے کی درخواست مسترد کر دی، جو خطے میں بڑھتی کشیدگی کے تناظر میں ایک محتاط حکمت عملی کو ظاہر کرتا ہے۔

سری لنکا کے صدر انورا کمارا ڈسانائیکے نے پارلیمنٹ کو بتایا کہ امریکا نے مارچ کے آغاز میں مٹالا راجاپاکسا انٹرنیشنل ائیرپورٹ پر دو جنگی طیارے تعینات کرنے کی درخواست کی تھی۔

صدر کے مطابق ان طیاروں پر اینٹی شپ میزائل نصب تھے اور انہیں جبوتی میں قائم امریکی اڈے سے سری لنکا منتقل کرنے کا منصوبہ تھا۔

انہوں نے واضح کیا کہ سری لنکا نے امریکی درخواست کو صاف طور پر مسترد کر دیا اور کسی بھی ممکنہ فوجی کشیدگی کا حصہ بننے سے گریز کیا۔

ایران، لبنان اور فلسطین میں امریکی اسرائیلی حملوں کے درمیان عید، حیفا ریفائنری پر حملہ

یہ فیصلہ اس بات کی عکاسی کرتا ہے کہ کئی ممالک موجودہ عالمی صورتحال میں براہ راست کسی تنازع میں شامل ہونے سے احتیاط برت رہے ہیں۔

اطلاعات کے مطابق امریکا کے کئی اتحادی ممالک بھی ایران کے خلاف ممکنہ کارروائی میں حصہ لینے سے انکار کر چکے ہیں۔

اس سے قبل امریکی صدر ڈونلڈ ٹرمپ نے اتحادیوں کی عدم حمایت پر شکوہ کرتے ہوئے کہا تھا کہ امریکا کو کسی کی مدد کی ضرورت نہیں۔