سلمان خان پاکستانی فنکاروں کیساتھ کام کرنے کیلئے تیار

بالی ووڈ کے سپر اسٹار سلمان خان نے کہا ہے کہ وہ پاکستانی فنکاروں کے ساتھ کام کرنے کیلئے تیار ہیں بشرطیکہ بھارتی حکومت اجازت دے۔

بھارتی میڈیا کے مطابق سلمان خان نے کہا کہ اگر حکومت نے اجازت دی تو میں پاکستانی فنکاروں کے ساتھ کام کرنے کے لیے بالکل تیار ہوں۔ انہوں نے صحافیوں سے کہا کہ وہ حکومت سے اجازت لے آئیں اور پھر وہ پاکستانی فنکاروں کے ساتھ کام کریں گے۔

سلمان خان نے مزید کہا کہ اگر بھارتی حکومت پاکستانی فنکاروں کو ویزا اور ملک میں کام کرنے کی اجازت دیتی ہے تو وہ خوشی سے ان کے ساتھ کام کریں گے۔

بھارتی حکومت کی جانب سے اجازت نہ ملنے کی صورت میں سلمان خان نے پاکستان اور بھارت کے درمیان کھیلی جانے والی کرکٹ کا مذاق اڑایا اور کہا، اگر حکومت نے اجازت نہ دی تو میں کرکٹ کھیلوں گا۔

انہوں نے پاکستانی فنکاروں کے بھارت میں کام کرنے کا دفاع کرتے ہوئے کہا کہ وہ صرف فنکار ہیں، دہشت گرد نہیں۔

یاد رہے کہ 2016 سے بھارت نے پاکستانی فنکاروں پر غیر سرکاری پابندی عائد کر رکھی ہے۔

سلمان خان ان دنوں اپنی ایکشن فلم "سکندر” کی پروموشن میں مصروف ہیں، جو 30 مارچ کو عید الفطر کے موقع پر سنیما گھروں میں ریلیز ہوگی۔