پی ایس ایل 10: اسلام آباد یونائیٹڈ نے کوئٹہ گلیڈی ایٹرز کو جیت کیلئے 158 رنز کا ہدف دیدیا

لاہور: پاکستان سپر لیگ (پی ایس ایل) 2025 کے دسویں ایڈیشن کے 23ویں میچ میں اسلام آباد یونائیٹڈ نے کوئٹہ گلیڈی ایٹرز کو جیت کیلئے 158 کا ہدف دے دیا۔

لاہور کے قذافی اسٹیڈیم میں کھیلے جا رہے میچ میں کوئٹہ گلیڈی ایٹرز کی دعوت پر پہلے بیٹنگ کرتے ہوئے اسلام آباد یونائیٹڈ نے مقرر 20 اوورز میں 9 وکٹوں کے نقصان پر 157 رنز بنائے۔ محمد نواز 49 جبکہ صاحبزادہ فرحان 39 رنز بنا کر نمایاں رہے۔ فہیم اشرف نے 4 کھلاڑیوں کو پویلین کی راہ دکھائی۔

کوئٹہ گلیڈی ایٹرز نے اپنی ٹیم میں دو تبدیلیاں کی ہیں: کوشل مینڈس کی جگہ کائل جیمیسن جبکہ ذیشان اشرف کی جگہ حسیب اللہ کو شامل کیا گیا ہے۔ اسلام آباد یونائیٹڈ نے اس میچ کیلئے پانچ تبدیلیاں کی ہیں۔

پوائنٹس ٹیبل پر اسلام آباد یونائیٹڈ 12 پوائنٹس کے ساتھ سرفہرست ہے، جب کہ کوئٹہ گلیڈی ایٹرز 8 پوائنٹس کے ساتھ تیسرے نمبر پر موجود ہے۔