ابرام احمد کی سن رائزرز لیڈز شمولیت پر بھارتی بی سی سی آئی کا موقف

انگلینڈ کی دی ہنڈریڈ لیگ میں پاکستانی اسپنر ابرار احمد کی بھارتی ملکیتی ٹیم سن رائزرز لیڈز میں شمولیت کے معاملے پر بھارتی کرکٹ بورڈ (BCCI) کے نائب صدر راجیو شکلا کا بیان سامنے آیا ہے۔

راجیو شکلا نے کہا کہ یہ ایک غیر ملکی لیگ کا معاملہ ہے اور اس کا تعلق ان کی آئی پی ایل ٹیم یا بورڈ سے نہیں ہے۔ ان کے مطابق یہ فیصلہ مکمل طور پر ٹیم مالکان کا ہے اور بی سی سی آئی اس میں مداخلت نہیں کر سکتا۔

انہوں نے مزید کہا کہ “یہ ہمارے دائرہ اختیار میں نہیں آتا، وہ اس نے غیر ملکی لیگ میں کیا جہاں وہ مالک ہیں۔ یہ ان کا فیصلہ ہے، ہم کچھ نہیں کر سکتے۔”

یہ معاملہ اس وقت سامنے آیا جب دی ہنڈریڈ لیگ 2026 کی پلیئر آکشن کے دوران آئی پی ایل ٹیم سن رائزرز حیدرآباد کی مالکن کاویا مران نے پاکستانی اسپنر ابرار احمد کو سن رائزرز لیڈز کے لیے خرید لیا۔

#WATCH | Delhi | On Sunrisers Leeds signing Pakistan spinner Abrar Ahmed for the The Hundred 2026 season, Congress MP Rajiv Shukla says, "…It is not in our domain (IPL), they have done it for some foreign league…They will have to take a call; we cannot do anything” pic.twitter.com/pV6JQu1wmg

— ANI (@ANI) March 13, 2026

سن رائزرز لیڈز نے ابرار احمد کو 1 لاکھ 90 ہزار پاؤنڈز میں سائن کیا، جس پر بھارتی مالکان کو پاکستان سے کرکٹر کو ٹیم میں شامل کرنے پر سخت تنقید کا سامنا کرنا پڑا۔

اس موقع پر کئی سوشل میڈیا صارفین نے بھارتی بورڈ پر زور دیا کہ وہ اس معاملے میں پاکستان کے کرکٹ بورڈ سے تعاون کریں، تاہم راجیو شکلا کے بیان سے یہ واضح ہوا کہ بی سی سی آئی اس معاملے میں غیر ملکی لیگ کے فیصلے میں مداخلت نہیں کرے گا۔

واضح رہے کہ ابرار احمد گزشتہ سالوں میں پاکستان کرکٹ ٹیم کے اہم اسپنر بن چکے ہیں اور ان کی شمولیت نے دی ہنڈریڈ لیگ میں پاکستانی کرکٹرز کی اہمیت کو دوبارہ اجاگر کر دیا ہے۔