قطر نے نیتن یاہو کے بیانات کو غیرذمہ دارانہ قرار دے دیا

قطر کی وزارتِ خارجہ نے اسرائیلی وزیرِ اعظم بنیامین نیتن یاہو کے حالیہ بیانات پر سخت ردِعمل دیا ہے۔

وزارت کے مطابق نیتن یاہو کے وہ تبصرے، جن میں قطر میں قائم حماس کے دفتر کا حوالہ دیا گیا تھا، "غیرذمہ دارانہ اور اشتعال انگیز” ہیں۔

قطری وزارتِ خارجہ نے کہا کہ ایسے بیانات بین الاقوامی قوانین اور سفارتی ضابطوں کی خلاف ورزی ہیں اور خطے میں کشیدگی کو مزید بڑھا سکتے ہیں۔ بیان میں یہ بھی واضح کیا گیا کہ اسرائیلی وزیرِ اعظم کو اپنے اقدامات اور بیانات کا جواب دینا ہوگا۔

قطر نے زور دیا کہ تنازعات کو بڑھانے کے بجائے فریقین کو سفارت کاری اور مذاکرات کے ذریعے مسائل کے حل کی طرف بڑھنا چاہیے۔