سی سی ڈی پولیس کے ساتھ کارروائی میں ڈاکو ساتھیوں کی فائرنگ سے ہلاک

لاہور کے علاقے ماڈل ٹاؤن میں سی سی ڈی پولیس کے مبینہ مقابلے کے دوران ایک ڈاکو ہلاک ہوگیا۔

پولیس کے مطابق ہلاک ڈاکو کی شناخت اعجاز اسلام کے نام سے ہوئی جو ڈکیتی، چوری اور نقب زنی سمیت کئی سنگین وارداتوں میں ملوث تھا۔

ترجمان پولیس نے بتایا کہ ملزم کو نشتر کے علاقے میں نشاندہی کے لیے لے جایا جا رہا تھا کہ اچانک اس کے ساتھیوں نے پولیس پارٹی پر فائرنگ شروع کردی۔

فائرنگ کے نتیجے میں ملزم اپنے ہی ساتھیوں کی گولی لگنے سے ہلاک ہوگیا۔ پولیس نے لاش کو پوسٹ مارٹم کے لیے مردہ خانے منتقل کر دیا ہے۔