وزیراعظم شہباز شریف کا عالمی بحرانوں پر اظہارِ تشویش

وزیراعظم شہباز شریف نے کہا ہے کہ دنیا کو درپیش عالمی بحران اور غیر حل شدہ تنازعات عالمی امن کے لیے سنگین خطرہ بنتے جا رہے ہیں۔

انہوں نے اقوام متحدہ کے زیر اہتمام منعقدہ تقریب سے خطاب کرتے ہوئے کہا کہ پائیدار ترقی، عالمی امن اور خوشحالی کی بنیاد ہے۔

وزیراعظم کا کہنا تھا کہ سفارتکاری، بات چیت اور مکالمہ ہی تنازعات کے حل کا واحد مؤثر ذریعہ ہیں، اور دنیا کو اسی راستے پر چلنا ہوگا۔

انہوں نے زور دیا کہ ترقی کا عمل عدل و انصاف پر مبنی ہونا چاہیے، کیونکہ انصاف کے بغیر دیرپا امن کا قیام ممکن نہیں۔

عالمی وباؤں کے بعد امیر مزید امیر، غربت میں اضافہ: آکسفیم رپورٹ کا انکشاف

وزیراعظم نے اس بات پر تشویش کا اظہار کیا کہ پاکستان کے ہمسایہ ملک کی جانب سے دریائے سندھ کے پانی کی تقسیم کو ہتھیار کے طور پر استعمال کرنے کی دھمکی دی گئی، جو پاکستان کے کروڑوں افراد کے لیے زندگی اور روزگار کا ذریعہ ہے۔

انہوں نے کہا کہ اقوام متحدہ کو مزید مضبوط، وسائل سے لیس اور اصلاح شدہ ادارہ بنایا جانا چاہیے تاکہ یہ عالمی تعاون کا مؤثر مرکز بن سکے۔

تقریب کے اختتام پر وزیراعظم نے پاکستان اور اقوام متحدہ کے مختلف اداروں کے درمیان تعاون کے معاہدوں پر دستخط کی تقریب میں بھی شرکت کی۔