ملک میں سونے کی قیمت تاریخ کی بلند ترین سطح پر پہنچ گئی

ملک میں سونے کی قیمت میں ہزاروں روپے اضافہ ریکارڈ کیا گیا ہے، جس کے بعد سونا اپنی بلند ترین سطح پر پہنچ گیا ہے۔

آل پاکستان صرافہ جیمز اینڈ جیولرز ایسوسی ایشن کے مطابق، ملکی اور عالمی مارکیٹ میں سونے کی قیمتوں میں نمایاں اضافہ ہوا ہے۔ پاکستان میں فی تولہ سونے کی قیمت میں 6 ہزار روپے کا اضافہ ہوا ہے جس کے بعد آج اس کی قیمت 3 لاکھ 76 ہزار 700 روپے ہو گئی ہے۔ 10 گرام سونے کی قیمت بھی 5 ہزار 144 روپے بڑھ کر 3 لاکھ 22 ہزار 959 روپے تک جا پہنچی ہے۔

عالمی مارکیٹ میں بھی سونے کی قیمت میں تیزی دیکھی گئی ہے جہاں فی اونس سونا 60 ڈالر اضافے کے ساتھ 3 ہزار 540 ڈالر کی بلند ترین سطح پر پہنچ گیا ہے۔