آئی سی سی نے فاسٹ باولرز کی بڑی خواہش پوری کردی، اہم پابندی ختم

پاکستان کرکٹ ٹیم کے فاسٹ باولرز نے بال چمکانے کے لیے تھوک پر پابندی ختم ہونے کو خوش آئند قرار دیا ہے۔

انٹرنیشنل کرکٹ کونسل نے کووڈ-19 کے دوران بال چمکانے کیلئے تھوک پر پابندی عائد کی تھی، جس کے بعد فاسٹ باولرز کو پسینے سے بال چمکانے پر مجبور کیا گیا تھا۔ تاہم، بھارتی کرکٹ بورڈ نے آئی پی ایل کیلئے بال پر تھوک لگانے کی پابندی ختم کر دی ہے۔

پاکستان کرکٹ ٹیم کے فاسٹ بولر نسیم شاہ نے کہا کہ "پابندی کی وجہ سے ہم سب پسینے سے بال چمکاتے ہیں، لیکن تھوک سے بال زیادہ جلدی چمکتا ہے۔ اگر تھوک لگانے کی اجازت ملتی ہے تو ایک طرف سے بال اچھے طریقے سے چمکے گا، تاہم بہترین بولنگ کے لیے صرف بال کا چمکنا کافی نہیں ہوگا۔” نسیم شاہ نے مزید کہا کہ "اس پابندی کے ختم ہونے سے زیادہ فرق نہیں پڑے گا، لیکن ریورس سوئنگ کیلئے گیند زیادہ پرانی نہیں ہوگی۔”

محمد وسیم جونیئر نے کہا کہ "بال پر تھوک کا استعمال ہمارے لیے مددگار ثابت ہو گا۔”

آل راؤنڈر فہیم اشرف نے کہا کہ "کووڈ کی وجہ سے بال پر تھوک لگانے کی پابندی تھی، لیکن تھوک سے بال جلد اور زیادہ چمکتا ہے۔ اب جب تھوک کی اجازت ملے گی، تو بولنگ پہلے جیسی ہو جائے گی، جیسا کہ پہلے کرکٹ ہوتی تھی۔”