یو اے ای میں منی لانڈرنگ کے خلاف نیا سخت فریم ورک منظور

متحدہ عرب امارات نے منی لانڈرنگ کی روک تھام اور تحقیقات کو مؤثر بنانے کے لیے نیا قومی فریم ورک منظور کر لیا ہے۔

نئے نظام کے تحت ڈیجیٹل کرنسی کو بھی نگرانی کے دائرے میں شامل کر لیا گیا ہے، جو مالیاتی نظام میں بڑھتی ہوئی اہمیت کی عکاسی کرتا ہے۔

حکام نے مالیاتی اور کاروباری اداروں کے لیے ایک نیا رسک مینجمنٹ سسٹم بھی متعارف کرایا ہے تاکہ شفافیت اور نگرانی کو بہتر بنایا جا سکے۔

اس کے علاوہ غیر منافع بخش تنظیموں کی نگرانی کے لیے بھی ایک الگ فریم ورک تیار کیا گیا ہے تاکہ فنڈز کے غلط استعمال کو روکا جا سکے۔

یہ فیصلے اماراتی قومی کمیٹی برائے انسداد منی لانڈرنگ و دہشتگردی کے اجلاس میں کیے گئے۔

اجلاس میں غیر قانونی اور بغیر لائسنس سرگرمیوں کے خلاف کارروائیوں کو مزید سخت کرنے پر بھی زور دیا گیا۔

ماہرین کے مطابق اس اقدام سے یو اے ای کی عالمی سطح پر ایک محفوظ اور شفاف مالیاتی مرکز کی حیثیت مزید مضبوط ہوگی۔