وزیراعظم کا "آپریشن بنیان مرصوص” کے فرنٹ لائنز کا دورہ

اسلام آباد: وزیراعظم شہباز شریف نے آپریشن "بنیان مرصوص” کے تحت فرنٹ لائنز کا دورہ کیا اور پسرور چھاؤنی، سیالکوٹ میں تعینات افسران و جوانوں سے ملاقات کی۔

دورے کے موقع پر نائب وزیراعظم و وزیر خارجہ اسحاق ڈار، وزیردفاع خواجہ آصف، آرمی چیف جنرل عاصم منیر، ایئرچیف مارشل ظہیر احمد بابر، کور کمانڈر سیالکوٹ اور اعلیٰ عسکری و سول قیادت بھی وزیراعظم کے ہمراہ تھی۔

ذرائع کے مطابق وزیراعظم آئندہ چند روز میں ایئر بیسز اور نیول بیسز کا بھی دورہ کریں گے، جہاں وہ پاک فضائیہ اور پاک بحریہ کے افسران و اہلکاروں سے ملاقات کریں گے۔