پاکستان میں سونے کی قیمت میں اضافہ

کراچی : ملک بھر میں سونے کی قیمتوں میں اضافہ ریکارڈ کیا گیا ہے، جس کے بعد فی تولہ سونا مہنگا ہو گیا ہے۔

آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں آٹھ سو روپے اضافہ ہوا ہے، جس کے بعد نئی قیمت چار لاکھ ترانوے ہزار نو سو باسٹھ روپے ہو گئی ہے۔

اسی طرح دس گرام سونے کی قیمت میں چھ سو چھیاسی روپے اضافہ ہوا ہے، جس کے بعد نئی قیمت چار لاکھ تیئس ہزار چار سو بیانوے روپے ریکارڈ کی گئی ہے۔

مشرق وسطیٰ کشیدگی، عالمی منڈی میں تیل کی قیمتوں میں اضافہ

ماہرین کے مطابق عالمی منڈی میں بھی سونے کی قیمتوں میں اضافہ دیکھا گیا ہے، جہاں فی اونس قیمت میں آٹھ ڈالر اضافہ ہوا ہے اور نئی قیمت چار ہزار سات سو سولہ ڈالر تک پہنچ گئی ہے۔

ماہرین کا کہنا ہے کہ عالمی معاشی غیر یقینی صورتحال اور سرمایہ کاروں کی محفوظ سرمایہ کاری کی جانب رجحان کے باعث سونے کی قیمتوں میں اتار چڑھاؤ جاری ہے۔