ٹم پین نے پی ایس ایل تجربے کو یادگار قرار دے دیا، ملتان سلطانز ایونٹ سے باہر

سابق آسٹریلوی ٹیسٹ کپتان ٹم پین نے پاکستان سپر لیگ (پی ایس ایل) کے اپنے تجربے کو خوشگوار اور یادگار قرار دیا ہے۔ ٹم پین نے پی ایس ایل 11 میں ملتان سلطانز کے ہیڈ کوچ کے طور پر ذمہ داریاں انجام دیں، تاہم ان کی ٹیم ایونٹ سے باہر ہو گئی۔

تفصیلات کے مطابق ملتان سلطانز کو پہلے ایلیمینیٹر میں حیدرآباد کنگز مین کے خلاف 8 وکٹوں سے شکست کا سامنا کرنا پڑا، جس کے بعد ٹیم ٹورنامنٹ سے باہر ہو گئی۔

سوشل میڈیا پر اپنے بیان میں ٹم پین نے کہا کہ ملتان سلطانز کے ساتھ ان کا پی ایس ایل کا سفر ایک شاندار تجربہ رہا، اور انہیں ٹیم کے کھلاڑیوں اور انتظامیہ کے ساتھ وقت گزار کر بہت خوشی ہوئی۔

انہوں نے مزید کہا کہ وہ اس لیگ میں اپنے تجربے سے مکمل طور پر لطف اندوز ہوئے اور یہ وقت ان کے لیے یادگار رہے گا۔

واضح رہے کہ ایلیمینیٹر میچ میں حیدرآباد کنگز مین نے شاندار کارکردگی کا مظاہرہ کرتے ہوئے ملتان سلطانز کو با آسانی شکست دے کر فائنل کی دوڑ سے باہر کر دیا۔