ٹرمپ کی ایران کو معاہدہ نہ کرنے پر سخت دھمکی

امریکی صدر ڈونلڈ ٹرمپ نے ایک بار پھر ایران کو سخت دھمکی دیتے ہوئے کہا ہے کہ اگر ایران نے معاہدہ نہ کیا تو اسے مکمل طور پر تباہ کردیا جائے گا۔

ایک حالیہ انٹرویو میں ٹرمپ نے کہا کہ انہیں امید ہے کہ ایران یہ پیغام دیکھ رہا ہوگا۔ انہوں نے دعویٰ کیا کہ امریکا ایران کے زیر زمین میزائل پروگرام سے مکمل طور پر آگاہ ہے اور ضرورت پڑنے پر انہیں ایک ہی دن میں ختم کیا جاسکتا ہے۔

ٹرمپ کے اس بیان نے امریکا اور ایران کے درمیان کشیدگی میں مزید اضافہ کردیا ہے، خاص طور پر ایسے وقت میں جب ایران کے جوہری پروگرام پر عالمی تشویش بڑھ رہی ہے۔

افزودہ یورینیم کی واپسی کے حوالے سے سوال پر ٹرمپ کا کہنا تھا کہ یہ اقدام ضروری نہیں، سوائے عوامی تاثر بہتر بنانے کے لیے۔

مارکو روبیو کا چین سے ایران پر دباؤ ڈالنے کا مطالبہ

ایران کی جانب سے اس بیان پر ابھی تک کوئی باضابطہ ردعمل سامنے نہیں آیا، تاہم ماہرین کا کہنا ہے کہ اس طرح کے بیانات دونوں ممالک کے تعلقات کو مزید خراب کرسکتے ہیں۔

اس سے قبل سابق امریکی صدر Barack Obama نے ٹرمپ کی پالیسیوں پر تنقید کرتے ہوئے کہا تھا کہ انہوں نے اپنے دور میں ایران کا مسئلہ بغیر کسی فوجی کارروائی کے حل کیا۔

تجزیہ کاروں کے مطابق، بڑھتی ہوئی کشیدگی نہ صرف خطے بلکہ عالمی امن کے لیے بھی خطرہ بن سکتی ہے۔