آئی سی سی نے ٹی ٹوئنٹی پلیئرز کی رینکنگ جاری کردی

انٹرنیشنل کرکٹ کونسل (آئی سی سی) نے ٹی ٹوئنٹی پلیئرز کی رینکنگ جاری کردی۔

آئی سی سی کی ٹی ٹوئنٹی بیٹرز رینکنگ میں آسٹریلیا کے ٹریوس ہیڈ پہلی پوزیشن پر برقرار ہیں۔ پاکستانی بیٹر بابراعظم ایک درجے تنزلی کے بعد 8 ویں نمبر پر چلے گئے۔۔ محمد رضوان کا ٹی ٹونٹی رینکنگ میں 9 واں نمبر ہے۔

نیوزی لینڈ کے ٹم سیفرٹ 20 درجے ترقی کے بعد 13 ویں نمبر آگئے۔ نیوزی لینڈ کے فن ایلن بھی 8 درجے ترقی کے بعد 18 ویں نمبر پر چلے گئے۔ ٹی ٹوئنٹی بولرز میں ویسٹ انڈیز کے عقیل حسین کا پہلا نمبر ہے۔ پاکستان کا کوئی بولر ٹاپ 20 میں شامل نہیں۔

بولرز رینکنگ میں پاکستانی بولر حارث رؤف 4 درجے ترقی کے بعد 26 ویں نمبر پر پہنچ گئے۔ شاہین آفریدی 6 درجے تنزلی کے بعد 30ویں نمبر پر چلے گئے ہیں۔