آرمی چیف جنرل عاصم منیر کا ملکی ترقی میں قومی کردار پر زور

چیف آف آرمی اسٹاف جنرل عاصم منیر نے ہر شہری پر زور دیا ہے کہ وہ پاکستان کی ترقی اور خوشحالی میں اپنا کردار ادا کرے۔

آئی ایس پی آر کے مطابق، آرمی چیف نے بہاولپور میں طلبہ سے خطاب کرتے ہوئے ملکی تعمیر و ترقی میں اجتماعی کاوشوں کی اہمیت پر روشنی ڈالی۔

جنرل عاصم منیر نے کہا کہ پاکستان اللہ تعالیٰ کا انمول تحفہ ہے، جسے بے شمار نعمتوں اور وسائل سے نوازا گیا ہے۔ انہوں نے نوجوانوں کو تلقین کی کہ وہ ملک کی بہتری اور استحکام کے لیے بھرپور محنت اور لگن سے کام کریں۔