سوشل میڈیا اسٹار عبدوروزق دبئی ایئرپورٹ پر چوری کے الزام میں گرفتار

دبئی – معروف تاجک گلوکار اور انٹرنیٹ اسٹار عبدوروزق کو دبئی انٹرنیشنل ایئرپورٹ پر چوری کے الزام میں حراست میں لے لیا گیا ہے

21 سالہ عبدوروزق کو صبح 5 بجے اس وقت گرفتار کیا گیا جب وہ مونٹی نیگرو سے دبئی پہنچے۔ شکایت کی نوعیت کے بارے میں ابھی تک کوئی تفصیلات سامنے نہیں آئیں اور حکام نے بھی تاحال کوئی سرکاری بیان جاری نہیں کیا ہے۔

ان کی ٹیم کے ایک نمائندے نے گرفتاری کی تصدیق کرتے ہوئے مزید تفصیلات بتانے سے انکار کیا اور صرف اتنا کہا: "انہیں چوری کے شبے میں حراست میں لیا گیا ہے۔”

عبدوروزق کو گروتھ ہارمون کی کمی کے باعث صرف تین فٹ قد حاصل ہے۔ ان کے پاس متحدہ عرب امارات کا گولڈن ویزا ہے اور وہ کئی برسوں سے دبئی میں مقیم ہیں۔

وہ اپنی موسیقی، وائرل ویڈیوز اور بھارتی ریئلٹی شو بگ باس میں شرکت کے باعث عالمی شہرت حاصل کر چکے ہیں۔