عالمی و مقامی مارکیٹ میں سونے کی قیمت میں نمایاں کمی

کراچی: عالمی مارکیٹ میں فی اونس سونا 16 ڈالر کمی کے بعد 3,276 ڈالر پر آ گیا، جس کے اثرات مقامی مارکیٹ پر بھی دیکھنے میں آئے۔

ہفتے کے روز پاکستان میں فی تولہ 24 قیراط سونا 1,600 روپے کمی کے بعد 3 لاکھ 49 ہزار 400 روپے کا ہو گیا، جب کہ فی 10 گرام سونا 1,371 روپے کم ہو کر 2 لاکھ 99 ہزار 554 روپے پر آ گیا۔

اس کے برعکس چاندی کی قیمتوں میں کوئی تبدیلی نہیں آئی۔ فی تولہ چاندی 3,782 روپے اور فی 10 گرام چاندی 3,242 روپے پر مستحکم رہی۔