پی ایس ایل افتتاحی میچ: اسلام آباد یونائیٹڈ نے لاہور قلندرز کو شکست دیدی

ایچ بی ایل پی ایس ایل 2025 کے افتتاحی میچ میں دفاعی چیمپئن اسلام آباد یونائیٹڈ نے لاہور قلندرز کو 8 وکٹوں سے شکست دے دی۔

راولپنڈی اسٹیڈیم میں کھیلے گئے میچ میں اسلام آباد نے ٹاس جیت کر فیلڈنگ کا فیصلہ کیا تو لاہور قلندرز کی پوری ٹیم 139 رنز پر آخری اوور میں آؤٹ ہوگئی۔ عبداللہ شفیق نے 66 رنز کی شاندار اننگز کھیلی۔ سکندر رضا 23، حارث رؤف 10 اور محمد نعیم نے 8 رنز بنائے۔ جیسن ہولڈر نے یونائیٹڈ کی طرف سے 4 وکٹیں حاصل کیں۔

اسلام آباد یونائیٹڈ نے ہدف 2 وکٹوں کے نقصان پر 18 ویں اوور میں حاصل کرلیا۔ کولن منرو 59 جبکہ سلمان آغا 41 رنز کے ساتھ ناقابل شکست رہے۔ صاحبزادہ فرحان نے 25 رنز بنائے۔ لاہور کی جانب سے آصف آفریدی اور حارث رؤف نے ایک ایک وکٹ حاصل کی۔