چین کا چاند کے نمونوں کی بین الاقوامی سائنسی تعاون کیلئے فراہم کرنے کا اعلان

چین نے حال ہی میں اپنے چاند مشن چانگ ای-5 سے لائے گئے نمونے مختلف ممالک کے سائنسی اداروں کو فراہم کرنے کا فیصلہ کیا ہے۔

ان نمونوں میں 1,731 گرام چاند کی مٹی اور چٹانیں شامل ہیں، جو 2020 میں چین کے چانگ ای-5 مشن کے دوران جمع کی گئیں۔ چین کی نیشنل اسپیس ایڈمنسٹریشن نے یہ قیمتی نمونے 6 ممالک کے 7 سائنسی اداروں کو دیے ہیں:

جن میں پاکستان میں سپارکو (پاکستان اسپیس اینڈ اپر ایٹماسفیئر ریسرچ کمیشن) امریکہ میں براؤن یونیورسٹی اور سنی اسٹونی بروک یونیورسٹی۔ برطانیہ میں دی اوپن یونیورسٹی۔ فرانس میں انسٹی ٹیوٹ ڈی فزیک ڈو گلوب ڈی پیرس۔ جرمنی میں یونیورسٹی آف کولون اور جاپان میں یونیورسٹی آف اوساکا شامل

یہ اعلان چین کے 10ویں اسپیس ڈے کے موقع پر شنگھائی میں کیا گیا۔ چانگ ای-5 مشن کے ذریعے حاصل کردہ نمونے تقریباً 1.96 ارب سال پرانے ہیں اور چاند کی ارضیاتی تاریخ کو سمجھنے میں اہم مدد فراہم کر سکتے ہیں۔