سابق کرکٹر اور کمنٹیٹر کو 4 سال قید کی سزا

سابق آسٹریلوی ٹیسٹ کرکٹر اور کمنٹیٹر مائیکل سلیٹر کو گھریلو تشدد سمیت سات الزامات تسلیم کرنے پر آسٹریلوی عدالت نے چار سال قید کی سزا سنائی ہے۔

عدالتی کارروائی کے دوران کوئنز لینڈ کی ماروچیڈور ڈسٹرکٹ کورٹ کو بتایا گیا کہ سلیٹر نے 2023 کے آخر میں ایک خاتون پر تشدد کیا، اور وہ طویل عرصے سے شراب نوشی کے مسائل کا شکار رہے ہیں، جس کے باعث بحالی کا عمل بھی مشکل رہا۔

سزا کے باوجود سلیٹر پہلے ہی ایک سال سے زائد عرصہ جیل میں گزار چکے ہیں، جسے سزا کا حصہ شمار کیا جائے گا۔

واضح رہے کہ سلیٹر نے اپنے کیریئر میں 74 ٹیسٹ اور 42 ون ڈے میچز میں آسٹریلیا کی نمائندگی کی۔