کویت نے عیدالاضحیٰ کی تعطیلات کا اعلان کر دیا

کویت کی وزراء کونسل نے عیدالاضحیٰ کے موقع پر جمعرات 5 جون سے اتوار 8 جون 2025 تک عام تعطیلات کا اعلان کر دیا ہے، جبکہ پیر 9 جون کو آرام کا دن ہوگا اور دفاتر منگل 10 جون سے دوبارہ کھلیں گے۔

فلکیاتی ماہرین کے مطابق امارات اور کویت میں ذوالحجہ کا چاند 27 مئی کو نظر آنے کا امکان ہے، جس کے تحت عیدالاضحیٰ جمعہ 6 جون کو ہونے کی پیشگوئی کی گئی ہے۔

اسی طرح متحدہ عرب امارات میں بھی 5 سے 8 جون تک عید کی چار تعطیلات متوقع ہیں۔

پاکستان میں بھی فلکیاتی اندازوں کے مطابق عیدالاضحیٰ ہفتہ 7 جون کو ہونے کا امکان ہے، جس کے مطابق 6 سے 9 جون تک تعطیلات دی جا سکتی ہیں۔

تاہم، حتمی اعلان چاند کی رؤیت کے بعد کیا جائے گا۔