فلاپ فلموں کے بعد جاوید شیخ کا بالی ووڈ کے خانز کو نصیحت!

پاکستان کے معروف اداکار، ہدایتکار اور پروڈیوسر جاوید شیخ، جو پاکستانی اور بھارتی انٹرٹینمنٹ انڈسٹریز میں اپنی شاندار خدمات کے لیے جانے جاتے ہیں، 356 نیوز چینل پر مبشر لقمان کے شو میں شرکت کرتے ہوئے بالی ووڈ کے مشہور خانز کی تنزلی پر اپنے خیالات کا اظہار کیا۔

جاوید شیخ، جو دہائیوں سے پاکستانی انٹرٹینمنٹ انڈسٹری میں ایک اہم شخصیت کے طور پر تسلیم کیے جاتے ہیں،  بالی ووڈ کے تین بڑے ستاروں – سلمان خان، شاہ رخ خان اور عامر خان کے بارے میں بات کی۔ ان اداکاروں نے کئی برسوں تک انڈسٹری پر حکمرانی کی، لیکن حالیہ دنوں میں ان کا اثر کم ہوتا دکھائی دے رہا ہے کیونکہ بالی ووڈ میں نئے چہرے ابھرتے جا رہے ہیں۔

اپنے ٹیلی فون کے ذریعے ہونے والے انٹرویو میں، شیخ نے فلم انڈسٹری کی بدلتی ہوئی صورتحال پر روشنی ڈالی اور یہ کہا کہ نئے اداکار اور مواد پر مبنی فلمیں بالی ووڈ کو آہستہ آہستہ دوبارہ شکل دے رہی ہیں۔ انہوں نے اس بات کا اظہار کیا کہ خانز کے غلبے کا روایتی دور اب ختم ہوتا نظر آ رہا ہے، کیونکہ ناظرین اب نئے ٹیلنٹ اور مختلف نوعیت کی کہانیاں طلب کر رہے ہیں۔