پی ٹی آئی ایم این اے شیر افضل مروت کو پارٹی سے نکالنے کا فیصلہ

 پاکستان تحریک انصاف (پی ٹی آئی) نے اپنے رہنما شیر افضل مروت کو پارٹی سے نکالنے کا فیصلہ کر لیا ہے، ذرائع کے مطابق پی ٹی آئی کی اعلیٰ قیادت نے رہنماؤں کو ہدایات جاری کی ہیں کہ شیر افضل مروت کی بنیادی رکنیت کو ختم کیا جائے۔

ذرائع نے بتایا کہ پارٹی رہنما جلد ہی شیر افضل مروت کی بنیادی رکنیت ختم کرنے کا نوٹیفکیشن جاری کریں گے۔ اس کے بعد انہیں قومی اسمبلی کی رکنیت سے استعفیٰ دینے کی درخواست کی جائے گی۔

یہ فیصلہ اس وقت کیا گیا جب شیر افضل مروت کے صوابی جلسہ میں کردار پر پارٹی رہنماؤں نے بانی پی ٹی آئی سے شکایت کی تھی۔ ذرائع کے مطابق اس شکایت کے بعد پارٹی قیادت نے فوری طور پر اس اقدام کا فیصلہ کیا۔