شادی کی خواہش، بھٹ شاہ میں 45 سالہ شخص کا بجلی کے کھمبے پر انوکھا احتجاج

سندھ کے شہر بھٹ شاہ میں ایک انوکھا احتجاج اس وقت دیکھنے میں آیا جب ایک 45 سالہ شخص نے شادی کے مطالبے کے لیے بجلی کے کھمبے پر چڑھ کر احتجاج کیا، جس نے شہریوں کو حیران کر دیا۔

شخص کا کہنا تھا کہ وہ شادی کرنا چاہتا ہے اور اسی خواہش کو منوانے کے لیے اس نے یہ غیر معمولی طریقہ اختیار کیا، جس کے باعث کچھ دیر میں یہ واقعہ پورے شہر کی توجہ کا مرکز بن گیا۔

سندھ کے شہر بِھٹ شاہ میں انوکھا اور دلچسپ واقعہ، 45 سالہ شخص اپنی شادی کروانے کا مطالبہ لے کر بجلی کے کھمبے پر چڑھ گیا اور تاریں پکڑ کر بیٹھ گیا۔۔!! pic.twitter.com/p89uHNspRw

— Khurram Iqbal (@khurram143) January 1, 2026

واقعے کی تصاویر اور ویڈیوز سوشل میڈیا پر وائرل ہو گئیں، جہاں صارفین نے اس پر دلچسپ اور طنزیہ تبصرے کیے۔ بعض نے اسے 2026 کا پہلا انوکھا احتجاج قرار دیا۔

کچھ صارفین نے مذاقاً لکھا کہ شادی کے بعد بھی یہ شخص شاید یہیں بیٹھا رہے گا، جبکہ کئی لوگوں کا کہنا تھا کہ وہ 45 کے بجائے 65 سال کا لگتا ہے۔