پی ٹی آئی کے زیادہ تر اراکین پولیس کے مطلوب ہیں

خیبرپختونخوا اسمبلی کے کئی پی ٹی آئی اراکین اسلام آباد پولیس کے مطلوب ہیں۔ یہ اراکین خود قانون کے تحت تحقیقات کے دائرے میں ہیں۔

ذرائع کے مطابق تقریباً 80 فیصد پی ٹی آئی اراکین پر اسلام آباد میں مقدمات درج ہیں۔ 70 ایم پی ایز پولیس کی نظروں میں ہیں۔ مقدمات 2022 سے نومبر 2024 تک 18 مختلف تھانوں میں درج ہوئے۔

اسلام آباد پولیس نے گزشتہ مقدمات کی تفصیلات اکٹھی کرلی ہیں۔ ان مقدمات میں دہشت گردی اور پولیس یا رینجرز اہلکاروں پر حملے شامل ہیں۔

پولیس کے مطابق اکثر اراکین نے ابھی تک عدالت سے ضمانت نہیں لی۔ سابق وزیراعلیٰ علی امین گنڈاپور کے خلاف سب سے زیادہ 52 ایف آئی آرز درج ہیں۔

اس کے علاوہ، وزیراعلیٰ خیبرپختونخوا 11 مقدمات میں مطلوب ہیں جبکہ سہیل آفریدی پر 7 مقدمات درج ہیں۔ اسد قیصر کے بھائی عاقب اللہ بھی تھانہ سیکرٹریٹ میں مقدمہ کے تحت زیر تحقیقات ہیں۔