پاکستان اور بحرین کا سیکیورٹی تعاون مزید مضبوط بنانے پر اتفاق

اسلام آباد: وفاقی وزیر داخلہ و انسدادِ منشیات محسن نقوی نے بحرین کے وزیر داخلہ جنرل شیخ راشد بن عبداللہ آل خلیفہ سے اہم ملاقات کی، جس میں دوطرفہ تعلقات، علاقائی سلامتی اور باہمی دلچسپی کے امور پر تفصیلی بات چیت ہوئی۔

ڈان نیوز کے مطابق دونوں رہنماؤں نے اس موقع پر پاکستان اور بحرین کے عوام کے باہمی مفاد اور محفوظ مستقبل کے لیے شراکت داری مزید مضبوط بنانے کے عزم کا اظہار کیا۔

ملاقات میں انسدادِ منشیات کے شعبے میں قریبی تعاون بڑھانے پر بھی اتفاق کیا گیا، جبکہ قانون نافذ کرنے والے اداروں کی استعداد کار میں اضافے اور معلومات کے تبادلے کو مؤثر بنانے پر زور دیا گیا۔

Manama , It was a pleasure to meet His Excellency General Sheikh Rashid bin Abdullah Al Khalifa, Interior Minister of the Kingdom of Bahrain. We had an excellent discussion on regional security, counter narcotics cooperation, capacity building of law enforcement agencies and… pic.twitter.com/PfdDM4uJvR

— Mohsin Naqvi (@MohsinnaqviC42) November 27, 2025

وفاقی وزیر داخلہ محسن نقوی نے بحرینی ہم منصب کی گرمجوش میزبانی پر شکریہ ادا کرتے ہوئے کہا کہ پاکستان اور بحرین کے تعلقات بھائی چارے، اعتماد اور باہمی احترام کی مضبوط بنیادوں پر قائم ہیں۔ انہوں نے کہا کہ دونوں ممالک کے اداروں کے درمیان مضبوط رابطہ خطے میں امن و سلامتی کے لیے ناگزیر ہے۔

ملاقات کے دوران دونوں وزرائے داخلہ نے اس بات پر اتفاق کیا کہ منشیات کے عالمی نیٹ ورکس سے نمٹنے اور علاقائی استحکام کے لیے مشترکہ حکمت عملی اختیار کی جائے گی۔