پی آئی اے اور آئی لو پاکستان کے غبارے بھارت میں پکڑے گئے

بھارتی ریاست ہماچل پردیش کے ایک گاؤں میں پی آئی اے اور آئی لویو پاکستان کے غباروں کی آمد سے سنسنی پھیل گئی۔ مقامی لوگ اور پولیس حیران رہ گئے۔ غباروں پر اردو اور انگریزی میں پی آئی اے اور آئی لویو پاکستان تحریر تھا۔

پولیس نے فوراً کارروائی کرتے ہوئے غباروں کو قبضے میں لے لیا۔ ابتدائی تفتیش کے دوران کسی بھی غبارے میں چپ، کیمرہ یا کمپنی کا نام نہیں ملا۔

حکام کا کہنا ہے کہ پہلے بھی بھارت میں پی آئی اے کے غبارے اور کبوتر آئے ہیں، لیکن پولیس آج تک ان کا ماخذ معلوم نہیں کر سکی۔

تفتیش جاری ہے اور پولیس ہر ممکن زاویے سے معاملے کی چھان بین کر رہی ہے۔ مقامی انتظامیہ نے شہریوں کو خبردار کر دیا ہے۔

ادھر مقامی لوگ حیران ہیں اور معاملے پر تجسس کا اظہار کر رہے ہیں۔ حکام نے کہا کہ عوام کسی بھی مشکوک غبارے یا کبوتر کے قریب نہ جائیں۔