اسرائیل کی دھمکیاں بے معنی، ہم ہر محاذ کے لیے تیار ہیں، نائب سربراہ حزب اللہ

حزب اللہ کے نائب سربراہ نعیم قاسم نے کہا ہے کہ اسرائیل کی جانب سے ان کے قتل کی دھمکیاں کوئی حیثیت نہیں رکھتیں۔

روئٹرز کے مطابق نعیم قاسم نے ایک تقریر میں کہا:

’’اسرائیل مجھے چھو بھی نہیں سکتا، ہم نے طویل مقابلے کے لیے خود کو تیار کر لیا ہے اور وہ میدان میں حیران رہ جائیں گے، یہ کوئی محدود یا معمولی جنگ نہیں ہے۔‘‘

‘Israel Can’t Touch Me’ Hezbollah Leader Defies Bibi, Calls Assassination Threats ‘Worthless’ https://t.co/kvpmLK4X4P#Hezbollah #NaimQassem #IsraelThreats #Netanyahu #MiddleEastConflict

— News18 (@CNNnews18) March 14, 2026

انہوں نے مزید کہا کہ دشمن انہیں خوفزدہ نہیں کر سکتا اور جلد ہی دشمن ان کی طاقت دیکھ لے گا۔ نعیم قاسم نے اسرائیلی وزیر اعظم نیتن یاہو کی جانب سے دی گئی دھمکی کا جواب دیتے ہوئے کہا:

’’موت کا مقررہ وقت ہی انسان کی حفاظت کر رہا ہے۔ جب مقررہ وقت آتا ہے تو کوئی اسے پلٹا نہیں سکتا، اور جب وہ وقت نہیں آیا تو اسے کوئی لا بھی نہیں سکتا، اس لیے تمہاری دھمکی بے معنی اور بے کار ہے۔‘‘

دریں اثنا حزب اللہ نے شمالی اسرائیل میں اسرائیلی فوج کے ٹھکانوں کو راکٹ اور توپ خانے سے نشانہ بنایا۔ حزب اللہ کے بیان کے مطابق اسرائیلی شہر صفد کے قریب عین زیطیم اڈے اور سرحدی قصبے بلیدہ کے قریب فوجی اہداف پر حملے کیے گئے۔