آئی سی سی کی تازہ ترین پلیئر رینکنگ جاری

آئی سی سی کی جاری کردہ نئی پلیئر رینکنگ میں پاکستان کے نوجوان کرکٹر صائم ایوب پانچ درجے ترقی پاتے ہوئے دنیا کے نمبر ون ٹی ٹوئنٹی آل راؤنڈر بن گئے ہیں۔ انہوں نے بھارت کے ہاردک پانڈیا کو پیچھے چھوڑ دیا، جو اب دوسری پوزیشن پر آ گئے ہیں۔

دیگر پاکستانی کھلاڑیوں نے بھی رینکنگ میں نمایاں بہتری حاصل کی ہے:

• محمد نواز 4 درجے ترقی پا کر 13ویں نمبر پر پہنچ گئے۔

• فہیم اشرف بھی 4 درجے ترقی کے بعد 35ویں پوزیشن پر آ گئے۔

• صہیبزادہ فرحان نے شاندار کارکردگی دکھاتے ہوئے 11 درجے چھلانگ لگائی اور بلے بازوں کی فہرست میں 13ویں نمبر پر پہنچ گئے۔

بیٹنگ رینکنگ میں بھارت کے ابھیشیک شرما نے پہلی پوزیشن حاصل کر لی ہے جبکہ سوریہ کمار یادو آٹھویں نمبر پر چلے گئے ہیں۔