محسن نقوی کا نریندر مودی کے ٹوئٹ پر دوٹوک جواب

لاہور: پاکستان کرکٹ بورڈ کے چیئرمین محسن نقوی نے بھارتی وزیراعظم نریندر مودی کے حالیہ بیان پر سخت ردعمل دیا ہے۔

محسن نقوی نے کہا کہ کھیل کو سیاست اور جنگ سے جوڑنے کی بھارتی کوششیں نہ صرف کھیل کی روح کے خلاف ہیں بلکہ ماضی کی تلخ یادوں کو بھی تازہ کرتی ہیں۔ ان کا کہنا تھا کہ تاریخ اس حقیقت کی گواہ ہے کہ بھارت کو ماضی میں پاکستان کے ہاتھوں عبرتناک شکستوں کا سامنا رہا ہے، اور کوئی بھی کرکٹ میچ اس حقیقت کو تبدیل نہیں کرسکتا۔

If war was your measure of pride, history already records your humiliating defeats at Pakistan’s hands. No cricket match can rewrite that truth. Dragging war into sport only exposes desperation and disgraces the very spirit of the game https://t.co/lqiUATm3wX

— Mohsin Naqvi (@MohsinnaqviC42) September 29, 2025

انہوں نے مزید کہا کہ بھارتی وزیراعظم کا کھیل کے میدان میں فوجی آپریشنز کی مثال دینا اصل میں کمزوری اور مایوسی کو ظاہر کرتا ہے۔ ان کے مطابق کھیل کو کھیل ہی رہنے دینا چاہیے اور اسے دشمنی یا جنگ سے نہیں جوڑنا چاہیے۔

واضح رہے کہ بھارتی وزیراعظم نے ایشیا کپ 2025 کے فائنل کے بعد اپنی ٹیم کو مبارکباد دیتے ہوئے کھیل کو فوجی اصطلاحات سے تشبیہ دی تھی، جس پر پاکستان کی جانب سے شدید ردعمل سامنے آیا۔