آئی سی سی کی نئی ون ڈے رینکنگ جاری

دبئی: انٹرنیشنل کرکٹ کونسل (آئی سی سی) نے ون ڈے فارمیٹ کی تازہ ترین رینکنگ جاری کر دی ہے، جس کے مطابق بیٹرز میں بھارت کے شبمن گل بدستور پہلے نمبر پر ہیں، جبکہ پاکستان کے بابراعظم دوسرے اور بھارت کے روہت شرما تیسرے نمبر پر موجود ہیں۔

سری لنکا کے چریتھ اسالانکا دو درجے ترقی کے ساتھ چھٹے اور کوشال مینڈس 10 درجے بہتری کے بعد دسویں نمبر پر آ گئے ہیں۔

بولرز رینکنگ

بولرز میں سری لنکا کے مہیش تھیکشانا بدستور پہلے نمبر پر ہیں۔ وانندو ہسارانگا 11 درجے بہتری کے ساتھ آٹھویں، رویندرا جڈیجہ ایک درجے تنزلی کے بعد نویں اور پاکستان کے شاہین آفریدی ایک درجہ نیچے آ کر بارہویں نمبر پر آ گئے ہیں۔

آل راؤنڈرز رینکنگ

آل راؤنڈرز میں افغانستان کے عظمت اللہ عمرزئی سرفہرست ہیں، جبکہ ٹاپ 10 میں پاکستان کا کوئی کھلاڑی شامل نہیں۔