فیفا ورلڈ کپ 2026: بیلجیئم اور ایران کا میچ بغیر کسی گول کے برابر

فیفا ورلڈ کپ 2026 کے گروپ جی میں بیلجیئم اور ایران کے درمیان دلچسپ مقابلہ بغیر کسی گول کے برابر ختم ہوگیا۔ لاس اینجلس اسٹیڈیم میں کھیلے گئے اس میچ میں دونوں ٹیموں نے بھرپور کوشش کی، تاہم کوئی بھی ٹیم فیصلہ کن گول کرنے میں کامیاب نہ ہوسکی۔ بیلجیئم اور ایران کا ڈرا میچ گروپ کی صورتحال کو مزید دلچسپ بنا گیا ہے۔

پہلے ہاف میں ایران کو برتری حاصل کرنے کا بہترین موقع ملا جب 28ویں منٹ میں ایک فری کک پر گیند بیلجیئم کے جال میں جا پہنچی۔ تاہم ریفری نے ایرانی کھلاڑی کو آف سائیڈ قرار دیتے ہوئے گول مسترد کر دیا، جس کے باعث اسکور برابر رہا۔

میچ کے دوران بیلجیئم نے زیادہ حملے کیے اور کئی خطرناک مواقع پیدا کیے، لیکن ایران کے دفاعی کھلاڑیوں اور خاص طور پر گول کیپر علیرضا نے شاندار کھیل کا مظاہرہ کیا۔ دوسرے ہاف میں انہوں نے ایک ایسا حیرت انگیز سیو کیا جسے کئی ماہرین نے "سیو آف دی ٹورنامنٹ” قرار دیا۔

مزید پڑھیں: فیفا ورلڈ کپ: ایکواڈور اور کوراساؤ کا میچ ڈرا، ناک آؤٹ کی دوڑ دلچسپ

دوسری جانب بیلجیئم کے تجربہ کار گول کیپر تھیبو کورٹوا نے بھی بہترین گول کیپنگ کا مظاہرہ کیا اور ایرانی حملہ آوروں کو گول کرنے سے روکے رکھا۔ دوسرے ہاف میں ایک خطرناک فاؤل کے باعث بیلجیئم کے ایک کھلاڑی کو ریڈ کارڈ دکھایا گیا، جس کے بعد ٹیم نے باقی میچ دس کھلاڑیوں کے ساتھ کھیلا۔

میچ کے اختتام تک دونوں ٹیمیں گول کرنے میں ناکام رہیں اور مقابلہ 0-0 سے برابر ختم ہوا۔ اس نتیجے کے بعد بیلجیئم اور ایران نے اپنے ابتدائی دونوں میچ ڈرا کھیلے ہیں اور دونوں کے دو، دو پوائنٹس ہوگئے ہیں۔ بیلجیئم اور ایران کا ڈرا میچ گروپ جی میں اگلے مرحلے کی دوڑ کو مزید سنسنی خیز بنا گیا ہے۔