پی ایس ایل: ملتان سلطانز نے لاہور قلندرز کو جیت کیلئے 229 رنز کا ہدف دیدیا

پاکستان سپر لیگ (پی ایس ایل) کے 12ویں میچ میں ملتان سلطانز نے لاہور قلندرز کو جیت کیلئے 229 رنز کا بڑا ہدف دے دیا۔

ملتان سلطانز نے ٹاس جیت کر پہلے بیٹنگ کا فیصلہ کیا اور مقرر 20 اوورز میں 5 وکٹوں کے نقصان پر 228 رنز بنائے۔ یاسر خان شاندار فارم میں نظر آئے، انہوں نے صرف 44 گیندوں پر 87 رنز بنائے، جس میں 6 چھکے اور 6 چوکے شامل تھے۔ افتخار احمد نے 18 گیندوں پر 40 رنز کی ناقابل شکست اننگز کھیلی۔ عثمان خان نے 39 رنز بنائے جبکہ محمد رضوان نے بھی 17 گیندوں پر 32 رنز کی تیز اننگز کھیلی، انہیں آصف آفریدی نے آؤٹ کیا۔

میچ میں لاہور کی باؤلنگ کمزور دکھائی دی، جہاں زمان خان اور حارث رؤف مہنگے ثابت ہوئے۔