بنگلادیش ٹور کیلئے پاکستان ٹیسٹ اسکواڈ کا اعلان، شان مسعود کپتان برقرار

پاکستان کرکٹ بورڈ نے بنگلادیش کے خلاف دو ٹیسٹ میچوں کی سیریز کیلئے 16 رکنی قومی اسکواڈ کا اعلان کر دیا ہے۔

ٹیم کی قیادت ایک بار پھر شان مسعود کے سپرد کی گئی ہے، جبکہ اسکواڈ میں چار نئے کھلاڑیوں کو بھی شامل کیا گیا ہے۔

اعلان کے مطابق اسکواڈ میں شامل پانچ کھلاڑی اس وقت لاہور میں جاری این سی اے ریڈ بال کیمپ میں حصہ لے رہے ہیں۔

Pakistan’s 16-member Test squad announced for Bangladesh series 🇵🇰🏏

The two-match series will begin on 8 May 🗓️

Read more ➡️ https://t.co/MNgF8e5wUP#BANvPAK pic.twitter.com/hwTRXQQxxq

— Pakistan Cricket (@TheRealPCB) April 18, 2026

قومی ٹیم کا باقاعدہ کیمپ 27 اپریل کو کراچی میں شروع ہوگا جبکہ پی ایس ایل میں شریک کھلاڑی اپنی مصروفیات مکمل کرنے کے بعد ٹیم کو جوائن کریں گے۔

ٹیم کا تربیتی کیمپ یکم مئی کو ختم ہوگا اور قومی اسکواڈ 2 مئی کو بنگلادیش کے لیے روانہ ہوگا۔

کوچنگ اسٹاف میں بڑی تبدیلی کرتے ہوئے سابق کپتان سرفراز احمد کو ہیڈ کوچ مقرر کیا گیا ہے، جبکہ اسد شفیق اور عمر گل بالترتیب بیٹنگ اور بولنگ کوچ ہوں گے۔

اسکواڈ میں بابر اعظم، محمد رضوان، شاہین شاہ آفریدی اور دیگر اہم کھلاڑی شامل ہیں، جس سے ٹیم کے مضبوط کمبینیشن کی امید کی جا رہی ہے۔