سنگاپور میں آئی سی سی سالانہ کانفرنس کا آغاز، اہم فیصلے متوقع

سنگاپور: آئی سی سی کی سالانہ کانفرنس کا آغاز ہو گیا ہے، جہاں ابتدائی اجلاس میں چیف ایگزیکٹیو کمیٹی (سی ای سی) کے نئے ارکان کا انتخاب عمل میں آیا۔

فرانس کے گورومرتھی پلانی، ہانگ کانگ کے انوراگ بھٹنگر اور کینیڈا کے گردیپ کلائر سی ای سی کا حصہ بننے میں کامیاب ہوئے۔ انتخابی عمل میں 40 ایسوسی ایٹ ممبران اور 5 ریجنل نمائندگان نے حصہ لیا۔

پاکستان کی نمائندگی پی سی بی کے چیف آپریٹنگ آفیسر سمیر احمد کر رہے ہیں، جبکہ 19 اور 20 جولائی کو بورڈ سربراہان کے اجلاس میں چیئرمین پی سی بی محسن نقوی کی شرکت متوقع ہے۔

کانفرنس میں لاس اینجلس اولمپکس 2028 کے لیے کوالیفائنگ نظام، ٹو ٹیئر ٹیسٹ کرکٹ، ٹی20 ورلڈ کپ میں ٹیموں کی تعداد میں اضافہ اور ون ڈے سپر لیگ کی بحالی جیسے اہم معاملات پر غور کیا جائے گا۔