ٹرمپ کی سوشل میڈیا سرگرمی نے رات بھر توجہ حاصل کرلی

امریکا کے صدر ڈونلڈ ٹرمپ نے ساری رات سوشل میڈیا پر سرگرمی دکھائی اور مختلف پوسٹس شیئر کرتے رہے۔ وہ رات 9 بجے سے صبح 4 بجے تک مسلسل فعال رہے، جس سے ان کی غیر معمولی آن لائن سرگرمی نمایاں ہو گئی۔

ابتدا میں انہوں نے پوپ لیو پر تنقید کی اور انہیں خارجہ پالیسی کے لیے نقصان دہ قرار دیا۔ اس کے بعد انہوں نے مصنوعی ذہانت سے بنی حضرت عیسیٰ علیہ السلام جیسی ایک تصویر شیئر کی، جس پر امریکا میں شدید تنقید سامنے آئی۔

مزید برآں انہوں نے چاند پر "ٹرمپ ٹاور” کی تصویر بغیر کسی وضاحت کے پوسٹ کی۔ بعد میں رات ساڑھے 12 بجے انہوں نے ایران سے متعلق ایک بیان شیئر کیا، جس میں بندرگاہ جانے اور آنے والے جہازوں کے راستے بلاک کرنے کا ذکر تھا۔

مزید پڑھیں: امریکی کانگریس کی ٹرمپ انتظامیہ پر تنقید: ایران مذاکرات اور یو ایف سی شرکت کا الزام

اس کے علاوہ انہوں نے سابق صدر جو بائیڈن اور ہنٹر بائیڈن ہنٹر بائیڈن کے بارے میں ایک مضمون شیئر کیا اور اسے چند منٹ بعد دوبارہ پوسٹ کیا۔ اسی دوران انہوں نے بال روم سے متعلق ایک اور پوسٹ بھی شیئر کی۔

آخر میں صبح کے وقت انہوں نے آبنائے ہرمز سے متعلق ایک خبر بھی شیئر کی۔ مجموعی طور پر ٹرمپ کی سوشل میڈیا سرگرمی نے رات بھر توجہ حاصل کرلی اور ان کی غیر معمولی پوسٹس کا سلسلہ جاری رہا